Nizami Kino (Kino Mərkəzi)

Nizami Kino — Azərbaycanın paytaxtı Bakı şəhərində, Bülbül prospektində yerləşən kinoteatr. Bu tarixi bina 1934-cü ildə tikilib və görkəmli şair Nizami Gəncəvinin adını daşıyır.

2011-ci ilin noyabr ayında Nizami kinoteatrı əsaslı təmir və yenidənqurmadan sonra açılmışdır. Möhtəşəm açılış mərasimində Azərbaycan Prezidenti İlham Əliyev və xanımı Mehriban Əliyeva iştirak ediblər. 

Kinoya gələnlər bu məkanın tarixi ilə artıq binanın foyesində tanış olurlar, burada kinonun zəngin tarixini əks etdirən fotoşəkillər stendlərdə nümayiş etdirilir. Binanın içərisində birinci mərtəbədə 50 və 80 yerlik iki kinozal, ikinci mərtəbədə 500 yerlik böyük kinozal, beşinci mərtəbədə isə 24 yerlik VİP kinozaldır. p>

Bundan əlavə, kinoteatr ziyarətçilərə müxtəlif imkanlar təklif edir. Birinci mərtəbədə pərakəndə satış köşkləri, ikinci mərtəbədə kafe, dördüncü mərtəbədə kafe-klub və mətbuat mərkəzi, beşinci və altıncı mərtəbələrdə isə 250 yerlik restoran və inzibati ofislər yerləşir. Restoranın özəl cəhəti ilin vaxtından asılı olaraq tavanı açıb-bağlamağa imkan verən mexanizmdir.

Kinoteatr binasının pedimentində Nizami Gəncəvinin abidəsi ucaldılmışdır ki, bu da ona xüsusi yaraşıq və simvolik əhəmiyyət verir.

Nizami Kino-da keçiriləcək tədbirlərə biletləri saytımızdan onlayn əldə edə bilərsiniz.